Россельхозбанкінің жаңа зерттеуіне сәйкес, ресейліктер азық-түлікті таңдау кезінде бағасына емес, құрамына көбірек көңіл бөледі. 2022 жылдың ақпанында тұтынушылардың сатып алу әдеттері мен дағдылары бойынша Бүкілресейлік сауалнама жүргізілді. Сауалнамаға 18 бен 55 жас аралығындағы 1000-нан астам адам қатысты.
Алынған мәліметтерге сүйенсек, ресейліктердің 41 %-ы тағам таңдағанда ең алдымен оның құрамына, табиғилығы мен сапасына мән беретінін айтқан. Сұралған адамдардың 28% үшін бағаның қолжетімділігі анықтаушы фактор болып қала береді, брендтің атақты болуы тұтынушылардың 20% сатып алу шешіміне әсер етеді, ал жауап берушілердің 12% ең маңызды фактор ретінде өнімнің дәмдік сипаттамаларын атайды.
Жауап берушілердің 60%-ға жуығы ресейлік өнімдердің шетелдік өнімнен кем түспейтінін атап өтсе, 33%-ы отандық өндірушіні біржақты қолдайтынын айтты. Тек 6% ғана саналы түрде шетелдік өнімді сатып алады.
Зерттеушілер пандемия мен оған байланысты енгізілген шектеулер дүние жүзіндегі адамдарға әсер еткенін атап өтті. Сондай-ақ басымдықтардың ауысуы байқалды: салауатты өмір салты және оны сақтау өз позициясын бекітті, жауап берушілердің көпшілігі үшін өмір салтының ажырамас бөлігіне айналды. Бұл ретте жауап берушілердің 44%-ы үшін дұрыс тамақтанудың негізі фермерлік өнімдер болып табылады. Тағы 29% табиғи өнімдерді табу қиын деп есептесе, 27% диетаны оңтайландыру үшін фастфудтан бас тарту жеткілікті деген пікірін білдірді.
Тұтынушылардың жартысына жуығы – 48%-ы азық-түлік дүкендеріне аптасына бірнеше рет келіп, аз мөлшерде азық-түлік сатып алады. Бұл ретте сауалнамаға қатысушылардың 29%-ы күнделікті жаңа өнімдерді сатып алуға уақыт бөлуге дайын екендіктерін, ал 24%-ы мәзірді бірнеше күн бұрын алдын ала ойластырып, демалыс күндерінде сауда жасауға дайын екендіктерін айтты.
Зерттеу нәтижелері бойынша ресейліктердің көпшілігі жаяу қашықтықтағы супермаркеттер желісінде сауда жасайды – 41%. Дүкеннің жақын және ыңғайлы орналасуы олар үшін таңдаудың басты факторы болып табылады. Олармен жауап берушілердің 26% келіспейді, олар базарлар мен жәрмеңкелерді аралауды жөн көреді. 23%-ы гипермаркеттерде сауда жасайды, ал желілік емес азық-түлік дүкендерін сұралған адамдардың тек 10%-ы ғана таңдайды.
Дереккөз: http://drinkinfo.ru