Француз ғалымдары өте маңызды сұраққа ден қойды – COVID-19 пандемиясының таралуына байланысты енгізілген карантин диетаға және адамдардың дене белсенділігінің деңгейіне қалай әсер етті?
Жауап іздеу кезінде зерттеушілер 37 мыңнан астам француз ересектерінің 2020 жылғы сәуір-мамырда жиналған мәліметтерін талдады. Авторлар тамақтану рационының өзгеруіне, дене белсенділігі мен дене салмағына, сондай-ақ изоляция кезінде азық-түлік жеткізіліміндегі үзілістерге назар аударды.
Зерттеу нәтижелері қайшылыққа алып келді. Сонымен, изоляция кезінде көптеген қолайсыз тенденция болды: физикалық белсенділіктің төмендеуі (қатысушылардың 53%-ы хабарлағанындай), аз қозғалу өмір салты уақытының ұлғаюы (қатысушылардың 63%-ы), тағамдар санының көбеюі, балғын өнімдерді тұтынудың төмендеуі (әсіресе, жемістер мен балықтар), тәттілерді, печенье мен торттарды тұтынудың артуы. Алайда, қарама-қарсы тенденциялар да байқалды: адамдар тағамдарды көбіне өздері дайындай бастады (қатысушылардың 40%-ы), ал кейбіреуі тіпті дене белсенділігінің деңгейін жоғарылатты (19%). Сонымен қатар, қатысушылардың 35%-ы салмақ қосқан, бірақ 23%-ы салмағын жоғалтқан
Ғалымдар изоляция режимінің әсері, әрине, жеке жағдайларға байланысты болады деген тұжырымға келеді. Бірақ тамақтану құрылымында және өмір салтында мүмкін болатын жағымсыз өзгерістерді локдаун жағдайында (егер ондай болып жатса) ескеру керек дейді.
Дереккөз: doi.org/10.1093/ajcn/nqaa336