Швейцарияда ғалымдар балалардың кофеинді қанша мөлшерде және қандай тамақтан алатынын зерттеп көрмек болады.
Сөйтіп зерттеу жұмысына 6-16 жас аралығындағы 90 ұл-қыз қатыстырылады.
Нәтижесінде, орта есеппен алғанда балалардың кофеинді нормадан әлдеқайда төмен мөлшерде тұтынатыны белгілі болған. Зерттеуге қатысқан балалардың 8 пайызында ғана кофеин тұтыну мөлшері ұсынылған нормадан жоғары болып шығады.
Ал енді қандай тамақтан алатынына келсек, негізгі көздері ретінде ғалымдар мыналарды атайды: какао (29%), шоколад (25%), алкогольсіз сусындар (11%) және мокко йогурті (10%). Ел ішіндегі қалыптасқан таптаурындарға қарамастан, энергетикалық сусындар балалардың кофеин тұтыну көрсеткішінде шаймен қатар соңғы орынға (8%) жайғасады.
Дереккөз: link.springer.com/article/10.1007/s00394-020-02187-3
